E’piyülasü
Juan Manuel Gómez Cotes
Nüika’ain wanee jintüi wattamalü sülüpana’a tü wopücheinka tayalajakania nülia’a. E’eshatüi súkalia’a nojolüin terüin chi’i uchike’i, nojoishi suput nüikajünüshi’in kapülesü nojoishi tasürulü’in nia, sunainje’e joucho’in nia. Tü nukuaipainjatkat tatüma’a tekajirüinjachine’e tajütamüinchi niya’a mi’ou’pa’a saka’a mujü’ikat. Na’a atüjashikanaü nünulia natüma Cardinalis Phoenicus, Cardenal Guajiro sumaka alijuna’a Iisho wamushi wekana wayuukana’a, tü noüka’at napajale’e wona suma’a no’ojuin shiiroku süshakat Wolunka, tü jiet wayuu palajatkat, wona’a suma’a na’a nuchoinkana juya’a neintuin shia suka’a jatu’ü supula’a kacho’in muinjatuin tü wayuukana’a, soü maakat tü natunakat ponosü sain wayuu, e’esü wayuu achajaka’a nüchikü supula’a einjachi’in nia shipi’alü. Chi’i uchika’i matüjúinsa’in sutta outainshine’e nusürütnüi.
Sunainje isho’kot chimitakat, chi’i tayalakei uchi’i tolo’o, nata’a sumuin sunu’u tü jiekat, shia tu ishokot outayalakalü oü’u, ere’e wapu’in nira’in napitkaa achiküi Juya’a sukaa eijatüin wuin suchikeje’e tü mi’asekat, jouchoinwa’a taya’a tapajapuin tü neira’inkat na uchi’ikana aipiakaluirüa suna’in wara’itüin taya’a sulupuna tü woumainkat, nojoluipa’a wapuin nira’ain chi’i uchike’i suka’a nataujanain noikunu’in nasurutnuin.
Kaleü kaikai teikajaka nia shipialumüin teikat supüla shirajirüin jachi’in nia otta shiakat uchiyuu’utshata’a ante chiija’asuma’a tamaka’a. Alikü ounushi taya’a anala’in numüin, nojoishi nia tapula eka’a no’i walakatüin, shia’asa mama’a sümakaa tamüin na’a suluinkana nayaluin suluje’e tü nipi’achounkat shika’a nia muusa.
Juan Manuel Gómez Cotes (Colombia)-Wayuu indigenous from the ei’ruku Epinayu. He graduated in Basic Education with an emphasis in Social Sciences and now works as a teacher. He is the author of several stories. He won the 2020 Call for Incentives “Arte en Aislamiento” with the story “Limbo”.
Literaven.com 